الوعي المالي والأساسيات
لأي حد عايز يفهم فلوسه ويبدأ يستثمر صح، حتى لو عمره ما فتح حساب.
- إزاي تخطط لفلوسك وتحدد هدف
- السوق بيشتغل إزاي، والمنتجات المالية الأساسية
- أول استثمار بمبلغ صغير وخطة واضحة
Invest Mind Academy
مبلغ صغير كل شهر، وخطة تمشي عليها سنين.
أكاديمية للتعليم المالي العملي. بنعلّمك تتعامل مع فلوسك: تخطط، تختار المنتج اللي يناسبك، وتفهم المخاطرة قبل ما تحط أول جنيه.
مشاكل بنسمعها كل يوم
والحل العملي لكل واحدة- 1المرتب بيخلص قبل آخر الشهرادفع لنفسك الأول. مبلغ ثابت يتحوّل يوم القبض، قبل أي مصروف.
- 2فلوسك نايمة في الحساب وقيمتها بتقل كل سنةاحسب التضخم بياكل كام. واختار مكان يحافظ على قيمة فلوسك.
- 3دخلت سهم من كلام صاحبك وخسرتقبل أي صفقة تلات أسئلة: ليه داخل، هتخرج فين، وأقصى خسارة كام.
- 4عايز تستثمر ومش عارف تبدأ منينابدأ على حساب تجريبي. وبعدها بمبلغ صغير ثابت كل شهر.
أول كورس في الأكاديمية: أساسيات الأسواق المالية. يبدأ السبت 14 نوفمبر، وخصم الإطلاق لحد 7 نوفمبر.
التفاصيل والحجز ←Our approach
نفهم، نجرّب، نطبّق، نراجع.
النظريات الأكاديمية مفيدة لحد معين. اللي بيغيّر علاقتك بفلوسك هو التمرين. كل حاجة بنعلّمها بتعدّي على الأربع خطوات دول بالترتيب.
01
افهم
القاعدة قبل الصفقة
مين بيشتري، مين بيبيع، وليه السعر اتحرك. بأمثلة من السوق الحقيقي، مش تعريفات من كتاب.
02
جرّب
على حساب تجريبي
تشتري وتبيع بنفسك بفلوس افتراضية وتغلط براحتك. الغلطة هنا تمنها صفر.
03
طبّق
بمبلغ صغير
مبلغ لو راح ما يوجعكش، بخطة مكتوبة قبل الدخول، ونقطة Stop Loss محددة، وحجم صفقة على قدك.
04
راجع
بالأرقام، مش بالإحساس
إيه اللي نجح، إيه اللي لأ، وتعدّل القاعدة. بعدها ترجع لخطوة 1 بخبرة أكتر.
الدايرة بتتكرر. كل مرة المبلغ أو القاعدة بيتحسنوا خطوة.
Why we exist
جيل متعلم ماليًا أهم من صفقة كسبانة.
Vision
رؤيتنا
أجيال تعرف تتعامل مع فلوسها، تخطط لها، وتستثمرها بوعي.
Mission
رسالتنا
نبسّط الاستثمار ونحوّله لممارسة: مبالغ صغيرة، خطة واضحة، استمرارية، وفهم حقيقي للمخاطرة قبل أي ربح.
Learning tracks
من أول جنيه لحد المتداول المحترف.
الأساس عندنا الوعي المالي لأي حد. وفوقه مسار للي بيتداول أو بيستثمر فعلًا وعايز يشتغل بقواعد مكتوبة.
للمتداول والمستثمر المتقدم
لحد بيتداول بالفعل وعايز ينقل شغله من الإحساس للقواعد.
- تحليل فني متقدم وقراءة حركة السعر
- إدارة المخاطر وحجم الصفقة على مستوى المحفظة
- بناء خطة تداول مكتوبة ومراجعتها بالأرقام
Launch course
أساسيات الأسواق المالية
Financial Markets Basics
أونلاين لايف
4 جلسات
ساعتين للجلسة
من 7 لـ 9 مساءً بتوقيت القاهرة
1السبت 14 نوفمبر
السوق بيشتغل إزاي
البورصة والوسيط والأوامر، ومين بيكون على الناحية التانية من صفقتك.
2الأحد 15 نوفمبر
المشترين ضد البائعين
أساسيات التحليل الفني: تقرا الشارت وتفهم مين ماسك الحركة.
3السبت 21 نوفمبر
اختار المنتج اللي يناسبك
أسهم، صناديق، ذهب، عملات، وعقود CFD: كل واحد بيناسب مين، وفيه مخاطرة قد إيه.
4الأحد 22 نوفمبر
احمي فلوسك، بعدين اتداول
نقطة Stop Loss وحجم الصفقة، وتطبيق لايف للشراء والبيع على حساب تجريبي، قصير وطويل المدى.
مناسب لك لو
- عمرك ما استثمرت وعايز تبدأ صح
- عندك مدخرات ومش عارف تحطها فين
- جربت قبل كده بالسماع وخسرت
مش مناسب لو
- بتدور على توصيات جاهزة
- مستني ربح سريع في أسبوع
- مش ناوي تتمرن بين الجلسات
2,100 جنيه
السعر ده لحد السبت 7 نوفمبر. بعدها الكورس بسعره الأساسي.
30 مقعد بس، عشان كل واحد ياخد وقته في الأسئلة والتطبيق.
أو كلمنا على +20 11 13008631
Coming soon
الكورسات الجاية.
بعد كورس الإطلاق، الكورسات دي هتنزل تباعًا. كل واحد بيقدمه مدرب متخصص في المجال ده.
أساسياتقريبًا
إطلاق مسيرتك الاستثمارية
كن مستشار نفسك المالي
تبني أساسك المالي الأول: ميزانية، صندوق طوارئ، وخطة استثمار شخصية تمشي عليها. ومعاها خريطة الوظائف في الأسواق المالية لو عايز تشتغل فيها.
رحاب الحلوأساسياتقريبًا
الصناديق الاستثمارية
من الألف للياء، مع بناء محفظة عملية
تفرق بين صناديق المؤشرات وصناديق الاستثمار، تحسب تكلفتها الحقيقية، وتبني بنفسك محفظة صناديق كاملة في جلسة عملية.
علياء أكرممتوسطقريبًا
الأسهم الأمريكية
الدورة الشاملة من الألف للياء
السوق الأمريكي من جوه: أحداث الشركات وتأثيرها على السعر، فلترة الأسهم، والتحليل الفني، وتطبيق عملي على منصة التداول.
علياء أكرممتقدمقريبًا
عقود الذهب الآجلة
أدوات السيولة: من تدفق الأوامر للتنفيذ
تقرا السيولة الحقيقية في الذهب بأدوات زي Volume Profile والفوتبرنت وخريطة Bookmap ومستويات Gamma، وتبني روتين تداول يومي واضح.
ريان محمدInstructors
مدربين شغالين في الأسواق المالية كل يوم.
كل مدرب في Invest Mind بيعلّم من اللي بيعمله فعلًا في الأسواق، مش من الكتب.
مدرب كورس أساسيات الأسواق المالية
محمد حمدان
المشتقات وإدارة المخاطر
بيتداول في الأسواق من 2007. مهندس ميكانيكا في الأصل، وبيقرا السوق بنفس العقلية: قواعد، أرقام، وحدود واضحة للمخاطرة.
حاضر عن الاستثمار والمشتقات لموظفين في بنوك مركزية خليجية، وبيدرّس المشتقات في معهد BIBF في البحرين.
يتداول من 2007محاضر في BIBFCertified Blockchain Expert
رحاب الحلو
التحليل الفني والأساسي
في الأسواق من 2007. درّست كورسات استثمار وتداول سلع، وكورسات تحضير لشهادات التحليل الفني الدولية.
CMTCFTeSeries 3 (NFA)ETFs Advisor
علياء أكرم
الاقتصاد الكلي وتحليل الأصول
أكتر من 7 سنين في الأسواق العالمية. بتحوّل البيانات الاقتصادية وقرارات البنوك المركزية لقرارات واضحة على المؤشرات والسلع والعملات.
CFTe Level Iماجستير من LSBF (جاري)
نوح محمد
الذهب ومؤشر Nasdaq
بيحلل حركة السعر وهيكل السوق، مع متابعة الدولار والفايدة والبيانات الاقتصادية. مبدأه: نظام تداول واحد واضح، وإدارة مخاطر صارمة.
Price Actionالذهبإدارة المخاطر
ريان محمد
الأوبشنز وتدفق الأوامر والتحوط
13 سنة في الأسواق العالمية. متحدث رسمي بالعربي لمجموعة CME من خلال Modern Money Experts، واشتغل مدير محافظ في السعودية.
Options FlowOrder FlowHedging
FAQ
قبل ما تحجز.
محتاج فلوس قد إيه عشان أبدأ؟
في الكورس مش محتاج ولا جنيه: كل التطبيق على حساب تجريبي. ولما تقرر تبدأ بفلوس حقيقية، ابدأ بمبلغ صغير لو خسرته ما يأثرش على حياتك.
بتدّوا توصيات أو إشارات تداول؟
لأ. بنعلّمك تاخد قرارك بنفسك بقواعد واضحة. مفيش توصيات، ومفيش وعود بربح.
عمري ما استثمرت قبل كده. الكورس مناسب لي؟
أيوه، معمول لده بالظبط. لو عندك خبرة وبتدور على مستوى أعلى، مسار المتقدمين جاي قريب.
الجلسات بتكون إمتى وإزاي؟
أونلاين لايف، 4 جلسات يومي السبت والأحد، 14 و15 و21 و22 نوفمبر، من 7 لـ 9 مساءً بتوقيت القاهرة. تقدر تسأل وقت الجلسة.